Transcription
1
Monsieur, jay receu votre lettre du IIIe du present et veu la bonne part quil
2
vous plaist me faire des nouvelles que vous avez. Ne vous en
3
pouvant poinct mander pour ceste heure qui vallent lescripre, je vous
4
diray seullement qu’ayant demeuré en assez et meillieure santé
5
que je n’avois acostumé, graces à Dieu, il a vollu m’envoier
6
depuis trois ou quatre jours en çà une fiebvre tierce
7
pour laquelle je me suis ce jourdhuy faict saigner. Les medecins
8
me promectent quelle ne me tiendra plus ou bien peu.
9
Dieu le vueille, entre les mains duquel la disposition
10
de toutes choses demeure. Monsieur, ce ne vous est
11
pas chose nouvelle que la folle que le pouvre lieu de
12
Pierrelatte et ses aydes ont soffert pour la garnison
13
de ma compagnye lannée passée, car vous lavez assés
14
de foys entendu par leurs plainctes, lesquelles m’estans
15
encor venu reiterer, je ne leur ay vollu reffuzer ce
16
mot que je vouldrois leur pouvoir ayder pour leur
17
descharge, ainsi que ce porteur vous fera entendre,
18
sur quoi je me remetray et atans. Après vous
19
avoir salué de mes humbles recommandations, je
20
prieray Dieu
21
Monsieur vous donner en santé heureuse et longue
22
vie. De Suze, ce XXe daoust 1572
23
Votre plus affetionné et
24
Obeissant
25
Suze
26